BLW呢個字相信好多人都好陌生，
BMW就話識姐，咁BLW又係d咩呢？
BLW= Baby-led Weaning 嬰兒主導斷奶
BB 六個月大時，
飲奶已經未必有足夠營養維持身體所需，
而需要加入副食品。
透過BLW可讓BB認識食物，培養對食物嘅興趣。
不過緊記一歲前，奶依然係BB嘅主要糧食，
千祈唔好因為餵咗固體而斷奶啊！
傳統嘅做法都係會餵糊仔或者粥仔，
而BLW就係完全相反：
❌不餵食
❌不吃糊仔或粥仔或磨蓉
✅BB自主進食
✅同父母同檯食飯
✅進食大人食物
BLW嘅好處係：
。唔需要好似傳統餵食咁樣追住BB黎餵
（呢一樣都係我行BLW嘅主要原因）；
。可以學到先咀嚼後吞，
可以經常練習咀嚼能力及口部肌肉，
對將來嘅語言能力都有幫助
（傳統食糊仔係唔需要咀嚼既）；
。可以訓練手眼協調，
對之後行路要手腳協調，
腦部發展都有幫助；
。唔需要為BB額外準備食物，
可以同大人食嘅食物一樣，
不過當然要整淋啲俾BB食啦；
BB食幾多自己話事，對佢將來嘅心理發展會好d，
因為傳統餵食，父母會經常驚佢食唔飽，
而一直逼佢食，間接令BB唔鍾意食野。
透過BLW，BB一路玩一路食，就會對食物產生興趣。
有以上嘅好處，
不過當然都有一啲唔好處會令人擔心嘅：
不過當然都有一啲唔好處會令人擔心嘅：
例如會食到成面成檯甚至成地都係，
不過有餵食嘅媽媽分享，
食粥仔都可以食到成面都係的；
食粥仔都可以食到成面都係的；
好多媽媽開始BLW之前，都會怕BB會gag，
其實只要煮淋d食物，唔好切得太大，
加上學定萬一BB嗆到時候嘅做法，
就唔需要太擔心，因為BB本能係會識吐返出嚟。
如果有興趣行BLW嘅家長，
緊記BB要自己青蛙坐到10秒以上先可以開始BLW啊！
建議睇咗BLW嗰本書，或者以下連結
www.babyledweaning.com，
www.babyledweaning.com，
甚至可以加入Facebook或者WhatsApp group
先至再進行BLW都唔遲啊：
希望大家喜歡我的分享及follow我們啦❣️
💕Facebook 專頁💕 https://www.facebook.com/jasmineandmama
No comments:
Post a Comment