Jasmine & Mama: 《為開學做好準備》

Wednesday, August 14, 2019

《為開學做好準備》

話咁快Jasmine已經兩歲半，今日就要開始返PN班喇！開學前原來要幫小朋友準備好多，除咗要幫佢買內衣，白襪，返學鞋，水杯，毛巾仔及毛巾盒之外，姓名貼及印仔都好緊要呀！

早前媽媽谷有媽媽分享：開學時老師未必認得小朋友，小朋友更加唔識自己嘅名，好容易會攞錯其他小朋友嘅用品，用上有相片嘅姓名貼紙就一定攞啱啦！經過朋友介紹呢款姓名貼後，我都訂咗兩款，俾錢後及同客服講返用咩相及字後，幾日就已經到達集運點，效率好高！質地好好仲整得好靚，價錢都只係$2x-3x有一張，好抵玩，所以極力推介俾大家！

相片姓名貼係淘寶做呀，用喺餐具嗰款約$28港元16個：【照片姓名贴纸大头贴名字贴防水抗洗耐刮进口材料用于餐具水杯】https://m.tb.cn/h.ejlXvTU?sm=4cd415

貼文具嗰款約$22港元，我做嘅係中號70個：【防水照片姓名贴纸幼儿园宝宝大头贴相片名字贴免剪贴书本文具】https://m.tb.cn/h.ej1h39i?sm=3cc98f

當然淘寶要另加運費啊！

↫↫↫↫ jαsmínє & mαmα ↬↬↬↬

防水姓名印章係上年喺Jetso Mama做嘅，當時Jasmine & Mama 讀者可以$89團購一個，但而家唔知仲有冇做，有興趣都可以問下佢哋：https://m.facebook.com/jetsomama2018/

↫↫↫↫ jαsmínє & mαmα ↬↬↬↬

返學又點少得要交學生相呢！呢輯相只需$100，包一打相，係貼紙相嚟㗎，用嘅時候會更方便。

由於收到校服到正式開學只有幾日，所以我一早都問定想影相嘅日子先再俾錢買優惠券，咁就唔怕買咗券後無期影啦！

當日上到Take One Studio 葵芳影樓，攝影師叔叔同助手姨姨會同小朋友玩，幫小朋友warm up，所以好容易影到靚相。最正係即時攞埋相，唔洗等幾日。如果想加錢要多一打加$50，如要多兩打就加$80，即係要3打相連拍攝都只係$180。所有相仲會whatsapp返俾你，唔夠用都可自己曬相，性價比咁高喺邊度搵呢！有興趣影就快d聯絡佢哋喇，因為優惠做到8月尾咋，影相檔期都好易full呀！