Jasmine & Mama: December 2018

Thursday, December 27, 2018

自拍鏡頭像素高少有性價比高手機

影相愈來愈多便對相機質素要求好高，本來想買一部相機去取代手機影相，但係帶囡囡出街物品已經夠多，再帶多部相機個袋就真係太重喇！

最近上市既vivo V11手機就有哂我想要既效果喇。

有睇開國內劇集及2018年俄羅斯世界盃應該對vivo呢個手機品牌唔陌生，因為佢有好多冠名贊助，好多紅星都有用。

包裝盒內有齊原裝保護套、三腳充電器、MircoUSB 線、3.5mm 耳機及說明書

先講機身，V11採用全新一代全面水滴屏，相比其他M字額既屏幕有更高屏佔比，只保留前置鏡頭於屏幕上，令視野更廣闊，煲劇一流。顏色方面星雲紫夠哂特別，藍色紫色漸變顏色，男女都啱用。

vivo著名創新科技，可將指紋感應隱藏喺全面屏下，通過對指紋反射光線既精準識別來驗證身份，無需額外開孔，保持機身一體。

V11採用雙引擎快速充電，由0-100%充電只需要1個鐘頭多D，充電快D慳返好多時間。

影相方面，V11前置2500像素鏡頭，配合3D美顏可獨立對五官進行立體美化、逆光拍攝模式，啱哂我成日要自拍，令相片更靚更清晰。

V11前置鏡頭像數高，而且有美顏效果，更可即時用手機編輯圖片，唔洗另外用app

AI後置雙鏡頭 (1200萬Dual Pixel+500萬像素) 主鏡頭採用Dual Pixel(雙核像素)令感光能力大增，對焦速度快，令每張照片都清晰細緻，三個AI拍攝模式：AI逆光拍攝、AI暗光拍攝、AI場景識別，簡單操作便能拍出大師級作品。

其他品牌影既圖片

vivo V11影出既色彩更靚

更多vivo V11拍攝既相片

就算小朋友走動，用V11都影得清晰

用上V11人像散景，可以先拍照後對焦

更可用上唔同濾境即時編輯相片

用V11的逆光模式，人物清晰，唔會黑哂

V11性價比亦高，只需其他品牌半價或更多便可擁有，而且前置相機更勝一籌，確實愛自拍既不錯選擇！

vivo V11

http://www.vivo.com/hk/zh/products/v11

↫↫↫↫ jαsmínє & mαmα ↬↬↬↬

Facebook專頁：http://www.facebook.com/jasmineandmama
Instagram：http://www.instagram.com/kathryn.Jasmine
Blog：http://www.jasmineandmama.blogspot.hk
Beauty Exchange Blog：http://www.beautyexchange.com.hk/blog/Jasmine%20and%20Mama
PressLogic - Mami親子日常專欄：http://mami.presslogic.com/author/jasminemama/
PressLogic - Girls女生日常專欄：https://pretty.presslogic.com/author/kathryn/
Ublog：http://blog.ulifestyle.com.hk/blogger/kathryn/
theZtyle：http://jasmineandmama.theztyle.com
Esdlife 靚太Club：https://wow.esdlife.com/space.php?uid=29619&do=blog&view=me
BK Milk：https://www.baby-kingdom.com/article/?author=550
Mami Buy：https://mamibuy.com.hk/home/7000
聯絡電郵：f.kathryn@gmail.com

Tuesday, December 25, 2018

台北親子遊 2018

2018年12月中，我地一家人去咗台北玩。因為今次台北之旅各方面我地都幾滿意，所以整理好我地既行程俾大家參考一下。(圖片比較多，請耐心等待)

住宿：台北花園大酒店，四至五星，價位一千港幣左右，整體都ok，早餐buffet選擇都還可以，不過味道就一般喇！勝在都算方便，行去西門町大約十分鐘左右。

交通：第一日我地係租車自駕，但奉勸一句，冇喺台灣揸開車真係唔好試，我地唔知台灣人玩法，佢哋好鍾意左穿右插，我地都經歷左好幾次驚險場面。之後我地主要call uber，因為真係信唔過台灣既的士司機。台灣uber係合法既，而且司機比較後生，同埋要有良民証，駕駛記錄良好先可揸Uber架。最重要係價錢平過的士，但質素好幾十倍，有一程我地只搭左四十幾蚊港幣，但係搭到Tesla呢！

第一日：去到酒店check in都已經下午5點幾，所以我地休息一陣就出發去美福乾式熟成牛排館 Fresh & Aged Italian steak house食飯喇！

爸爸話要去試下杜汶澤都讚好既牛扒餐廳，所以我地一早網上訂位：https://hk.eztable.com/restaurant/9661 佢地係食半buffet，即係點主菜，沙律吧任食。不過佢地冇飯及意粉，好似我個女2歲好多野都未食得就冇乜選擇，唯有食麵包及飲湯（除非我叫全熟牛排俾佢食，但係佢食唔得幾多，食剩既又好浪費，因為呢間餐廳都唔平，平均都四五百蚊港幣一個人）我地點咗牛排，豬排同龍蝦，都係好食既。沙律吧有好多款沙律及甜品，亦都有少許熟食，我覺得呢個價錢有半buffet都ok既！

第二日：酒店食完早餐後我地就call uber去臺北市立動物園，成人60元小朋友30元（台幣）學齡前兒童免費，咁既價錢可玩大半日，超級抵玩。

如果有小朋友比較細建議可以租定BB車（娃娃車），因為都幾多路要行，萬一小朋友唔肯行要抱就大穫喇！

台北動物園可以見到平時香港唔會見到既動物如長頸鹿、大象、斑馬、獅子、駱駝等⋯

園內都有餐廳既，位置喺入口，熊貓館及河馬廣場都有，唔需要擔心冇野食。我地就去咗熊貓餐廳食lunch，有d位係可以睇住熊貓進餐架！味道方面，我地叫左兩個燉飯一個pizza，估唔到燉飯都幾好味，不過pizza就一般，飲品叫左水果茶，我覺得都幾唔錯。

如果夠時間可以去埋搭纜車去埋貓空，有水車吊車車廂架！

夜晚我地去咗台灣朋友推介既欣葉台菜創始店，喺中山區雙城街，可以預先網上訂位，因為眼見平日晚都幾full。有BB椅及餐具提供（其實3間都有，台北餐廳都幾baby friendly）我地叫咗九個餸，個人覺得三杯雞同菜脯蛋最好食，其他菜式都ok既。不過因為Jasmine鬧情緒，成餐飯我都冇乜點食，只係最記得好食既兩味餸同埋送既甜點。

之後去咗市林夜市，其實幾年前都去過，而家就冇以前咁污煙漳氣，有室內位置係乾淨左好多，都適合同小朋友嚟玩架！

第三日：圓山花博公園門外有土產市集可以行下買手信。行入去就有親子館（類似playhouse咁，好多野玩）重點係免費入場，不過要早一日前網上預約。
預約連結：https://parent-child.taipei/?md=index&cl=preorder&at=gameroom_entry (其實我都唔清楚唔係台灣人可唔可以預約，大家想去可以不妨試下)
由於我冇預約，而且即場報名都已經滿額，所以只能睇其他人玩。

之後我地去左借娃娃車，因為怕Jasmine要午睡，喺客服中心用証件登記就可以，不過佢地要求要放低有相既証件，會所證唔接受，又冇理由放低passport 或身分證，最後放低左爸爸既國際駕駛執照，起碼唔見左都唔會影響出境先。

入少少會有一館半露天既food court，好多唔同餐飲可選，不過我地嗰日去都幾大風，加上經常有飛機經過好嘈，所以我覺得去另一邊入餐廳食可能會比較好。