兒科綜合眼科視光檢查分享

Jasmine 出世到而家眼淚都比較多，而且我覺得有輕微雙眼協調問題，所以一歲時由健康院轉介咗睇政府嘅眼科，分別一歲同一歲半各睇過一次，佢哋都話佢冇乜問題，半年再去檢查一次。

不過Jasmine 兩歲時咁啱流感高峰期，加上平時眼科診所都好繁忙，每次等埋攞眼藥水都要差不多三個鐘先走得，所以今次決定去私家睇。

今次視光師幫佢做咗好詳細嘅檢查，包括視力，有冇色弱等問題，視光師話佢視力正常冇問題，而斜視問題屬間歇性，問題唔嚴重，教咗我幫佢做一啲眼部運動，可以慢慢改善問題。但眼淚問題主要原因如我所料，係因為下眼睫毛倒生所影響，暫時可以喺屋企自己護理，有d個案會有好轉。另外又叫我唔好幫佢抹走眼淚水，因為眼淚水可以保護眼睛，就算眼睫毛掂到都冇咁容易發炎。

雖然今次檢查都唔平(因為我選專業視光師，如果實習生會平好多)，但慶幸遇到比較細心嘅視光師姐姐，幫Jasmine用好多唔同儀器做檢查。如果係政府檢查，可能又係答我冇乜問題，叫我返去滴下眼藥水就算喇！

今次帶Jasmine 係去理大眼科視光學診所做眼科檢查呀，以下係佢哋網頁：https://bit.ly/2Qsp9Dt 網站內有收費表。 我試過打電話想預約永遠都冇人聽，最後send email預約嘅，如果想查詢都可以試吓再打電話，好似可以留言呀。

#眼科檢查 #政府VS私家 #趕時間VS細心 #有d錢真係冇得慳

↫↫↫↫ jαsmínє & mαmα ↬↬↬↬

Beauty Exchange, PressLogic - Mami親子日常專欄, PressLogic - Girls女生日常專欄, Ublog, theZtyle, Esdlife 靚太Club, Baby Kingdom BK Milk, Mami Buy 駐站Blogger

Facebook專頁：http://www.facebook.com/jasmineandmama
Instagram：http://www.instagram.com/kathryn.Jasmine
聯絡電郵：f.kathryn@gmail.com